Восень у гэтым годзе радуе прыемным надвор’ем, але наперадзе – той самы перыяд з лістапада па сакавік, калі хочаш ці не, але давядзецца ўцяпляцца. CityDog.io знайшоў, дзе купіць світары ў беларускіх брэндаў: ад базавых мадэляў да смелых і акцэнтных – выбірайце, што больш даспадобы.
Mua Shop
Пачнём з незвычайных вясёлых світараў у аб’ёмныя кветкі з новай калекцыі Mua пад назвай «Бабуліны казкі». У складзе – 30% мерыносу і 70% акрылу.
![](https://stat2.city-dog.by/content/editor_images/2024/10_october/28_36833/1.jpeg)
![](https://stat2.city-dog.by/content/editor_images/2024/10_october/28_36833/2.jpeg)
279 руб.
Kien Store
Дзе яшчэ шукаць аптымальную базу на восень, калі не ў брэндзе, які спецыялізуецца на вязаных і трыкатажных вырабах? Першы світар прадстаўлены ажно ў 20 адценнях, другі – у 10: дакладна знойдзеце адпаведны для свайго гардэроба, а з 70% шэрсці ў складзе наўрад ці змерзнеце.
149 руб.
159 руб.
Espireo
Яшчэ адна базавая мадэль з адкладным каўняром чакае вас у брэндзе Espireo. Трэндавы бардовы і базавы шэры світары з 30% шэрсці ў складзе – выбірайце колер пад настрой.
![](https://stat2.city-dog.by/content/editor_images/2024/10_october/28_36833/3.jpeg)
![](https://stat2.city-dog.by/content/editor_images/2024/10_october/28_36833/4.jpeg)
199 руб.
Uno Mas Uno
Калі ўсе гэтыя класічныя варыянты – не ваша і хочацца дадаць у восеньскія будні больш яркасці, зазірніце ў Uno Mas Uno. У брэнда шмат варыянтаў з цікавымі адценнямі, градыентамі, надпісамі і рванымі дэталямі, склад – 50% бавоўна і 50% акрыл.
![](https://stat2.city-dog.by/content/editor_images/2024/10_october/28_36833/5.jpeg)
![](https://stat2.city-dog.by/content/editor_images/2024/10_october/28_36833/6.jpeg)
500 руб., 390 руб.
MSTEFA
Вось яшчэ варыянты світараў аверсайз са спушчанай лініяй пляча і высокім каўняром з 30% шэрсці ў складзе. Адценні – ад нейтральных бэжавага і чорнага да яркай фуксіі і самага папулярнага ў гэтым сезоне шакаладнага.
![](https://stat2.city-dog.by/content/editor_images/2024/10_october/28_36833/7.jpeg)
![](https://stat2.city-dog.by/content/editor_images/2024/10_october/28_36833/к.jpeg)
259 руб.
Mia Wear
У брэнда Mia Wear світары прадстаўлены ў трох варыянтах: Mini – аб’ёмны, кароткі, з шырокім рукавом, Middle – больш доўгая мадэль са швамі наверх, Max – з высокім каўняром, цікавымі дэталямі ў выглядзе знешніх швоў і максімальнай даўжынёй для розных лукаў і спалучэнняў.
Mini – 180 руб., Middle – 200 руб., Max – 210 руб.
Time 4.13
І напрыканцы – світар цікавага фасону з адкрытым плячом ад Time 4.13, які, можа, моцна і не сагрэе, але дакладна стане цікавай дэталлю аўтфіту і нават падыдзе для вячэрняга выхаду. Мадэль ёсць у двух варыянтах – малочным і чорным, якія будзе лёгка спалучаць з самымі рознымі нізамі.
![](https://stat2.city-dog.by/content/editor_images/2024/10_october/28_36833/10.jpeg)
![](https://stat2.city-dog.by/content/editor_images/2024/10_october/28_36833/9.jpeg)
155 руб.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота: Muashop.by, Espireo.by, Unomasuno.by, Mstefa.com, Instagram.com.