Гэта нешта новае: дабрачынны праект KaliLaska стаў прымаць ад мінчан непатрэбныя расліны.
Як нам расказала кіраўніца праекта Наталля Гарачая, новы офіс KaliLaska прыстасаваны пад тое, каб тут было шмат хатніх раслін.
– Наш новы офіс – гэта практычна аранжарэя: за вокнамі ёсць невялікае крытае памяшканне накшталт аранжарэі. Мы падумалі: чаму б не выкарыстоўваць гэту прастору пад прыгажосць? Тым больш, многія мінчане, на жаль, не могуць удзяляць сваім хатнім раслінам дастаткова часу.
Што трэба зрабіць, каб узялі вашу расліну
Амаль нічога – проста прыносьце яе. Можна нават без гаршка. Рабяты з KaliLaska перасадзяць яе і будуць даглядаць да таго моманту, калі можна будзе аддаваць у чужыя рукі.
А каму потым аддадуць расліну?
У арганізацыі і прыватныя інстытуцыі, якія захочуць упрыгожыць свой офіс зелянінай. Перададуць бясплатна, зразумела.
Куды і калі несці?
Кожны дзень з 12:00 да 20:00 па адрасе Машэрава, 9/8. Усе падрабязнасці вось па гэтым нумары: +375 29 606 11 04.
Гэта вельмі важна!
У бліжэйшую суботу, 4 мая, у KaliLaska увесь дзень прымаюць рэчы для маючых патрэбу. Прыносьце з 12:00 да 20:00 па адрасе Харужай, 18/2. Што можна аддаць у праект і куды ўсё гэта пойдзе? Глядзіце ў гэтым альбоме.
Перепечатка материалов CityDog.by возможна только с письменного разрешения редакции. Подробности здесь.
Добавьте нас в источники Google
