Аказваецца, гораду не менш за 1028 гадоў, а яго новую гадавіну можна будзе адзначыць ужо ў 2030 годзе.
У інстаграм-акаўнце музея «Сядзіба-замак Стары Менск» паведамілі, што спецыялісты Інстытута гісторыі Нацыянальнай акадэміі навук правялі раскопкі на месцы старадаўняга гарадзішча, дзе калісьці знаходзіўся замак. У цэнтры крапасных валоў яны выявілі дубовыя сцены, якія ўнікальна захаваліся.
Спецыялісты Інстытута эксперыментальнай батанікі зрабілі 53 спілы драўніны і больш за год працавалі над стварэннем дэндрахраналагічнай шкалы. У выніку высветлілася, што гэтыя дубы былі спілаваны ўзімку 997 года. Гэта значыць, што Мінску не менш за 1028 гадоў, а першыя ўмацаванні на яго тэрыторыі з’явіліся менавіта ў 997 годзе.
Навукоўцы мяркуюць, што праз два гады, у 2030-м, можна будзе афіцыйна адзначыць новую дату ў гісторыі горада – 1030 гадоў з дня яго заснавання.
Дарэчы, цяпер узрост Мінска афіцыйна адлічваюць ад 1067 года – менавіта пад гэтай датай ён упершыню згадваецца ў летапісах, і менавіта тады горад быў цалкам знішчаны.
Што гэта за раскопкі?
Калі памятаеце, CityDog.io пісаў, што на гарадзішчы, дзе, як мяркуецца, раней быў Менск, ужо некалькі гадоў ідуць раскопкі Менскага замчышча. Археолагі і валанцёры знаходзяць сапраўды ўнікальныя рэчы: фрагмент чыгуна з асабістым гербам князя Ізяслава, мужчынскі пярсцёнак, якому прыкладна 900–1000 гадоў, грэбень 10-га стагоддзя, самая старая шахматная фігура ва Усходняй Еўропе – і нават гэта яшчэ не ўсё.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота: тэлеграм-канал «Спадчына».
